59) சுட்டெழுத்து

உயிர் போலத்

தானே

இயங்கவல்ல

அ ஆ இ ஈ உ ஊ

எ ஏ ஐ ஒ ஓ ஔ

என்னும்

அகரம் முதலாகிய

பன்னிரண்டு

எழுத்து

உயிரெழுத்து

(உயிர் எழுத்து)

அவற்றுள்

அ இ உ

என்னும்

மூன்று எழுத்துகள்

சொல்லுக்கு முதலில்

அகத்தும் புறத்தும்

தனித்து

சுட்டுப் பொருள்

உணர்த்தி வந்தால்

சுட்டெழுத்து

என்று

பெயரிட்டு

அழைக்கப்பெறும்

இங்கு

அ என்னும் எழுத்து

(அகரம்)

பேசுவோனுக்கும்

கேட்போனுக்கும்

சேய்மையில் / தொலைவில் உள்ள

ஒருவரையோ

ஒன்றனையோ

சுட்டுவதால்

சேய்மைச் சுட்டு

இ என்னும் எழுத்து

(இகரம்)

பேசுவோனுக்கு

அண்மையில் / அருகில் உள்ள

ஒருவரையோ

ஒன்றனையோ

சுட்டுவதால்

அண்மைச் சுட்டு

உ என்னும் எழுத்து

(உகரம்)

கேட்போனுக்கு

அண்மையில் / அருகில் உள்ள

ஒருவரையோ

ஒன்றனையோ

சுட்டுவதால்

அதாவது

சேய்மைக்கும்

அண்மைக்கும்

இடையில்

உள்ளதைச்

சுட்டுவதால்

இடைமைச் சுட்டு

இதுவே

பொதுவான

மரபு

இதன்

அடிப்படையில்

ஒரு சொல்லின்

அகத்தே நின்று

சுட்டுப்பொருளை

உணர்த்துவது

அகச்சுட்டு

(உ-ம்)

அவன்/அவள்/அவர்கள்/அது/அவை

இவன்/இவள்/இவர்கள்/இது/இவை

உவன்/உவள்/உவர்கள்/உது/உவை

ஒரு சொல்லின்

புறத்தே நின்று

சுட்டுப்பொருளை

உணர்த்துவது

புறச்சுட்டு

(உ-ம்)

அம்மனிதன் (அ + மனிதன்)

இம்மனிதன் (இ + மனிதன்)

உம்மனிதன் (உ + மனிதன்)

நன்னூல்

சூத்திரம்-66

அஇ உம்முதற் றனிவரிற் சுட்டே

அஇ உம்முதல் தனிவரின் சுட்டே

அ இ உ என்னும் மூன்றும்

சொல்லுக்கு முதலில் (அகத்தும் புறத்தும்)

தனித்து சுட்டுப் பொருளில் வந்தால்

சுட்டெழுத்து / சுட்டு எழுத்து

-     கவிஞர் பொன். இராஜன் பாபு

-     Author P. Rajan Babu

தமிழ் இலக்கணம் – சுட்டெழுத்து

Tamil Grammar – Demonstrative Letter