71) உயிரளபெடை - உயிரளபு

மொழிக்கு

முதற்காரணமான

அணுத்திரள்

ஒலியே

எழுத்து

(Letter)

அது

முதல் எழுத்து

(Primary Letter)

சார்பு எழுத்து

(Secondary Letter)

என

இரு வகையாம்

உயிர் எழுத்து

(Vowel)

மெய் எழுத்து

(Consonant)

ஆகிய இரண்டும்

முதலெழுத்து

உயிர்மெய்

ஆய்தம்

உயிரளபெடை

ஒற்றளபெடை

குற்றியலிகரம்

குற்றியலுகரம்

ஐகாரக்குறுக்கம்

ஔகாரக்குறுக்கம்

மகரக்குறுக்கம்

ஆய்தக்குறுக்கம்

ஆகிய பத்தும்

சார்பெழுத்து

அச்சார்பு

எழுத்துகளில்

எழுத்தின்

ஒலிக்கும் கால அளவை

நீட்டித்து ஒலிப்பதால்

தோன்றும்

அளபெடைகள்

இரண்டு

1)   உயிரளபெடை

2)  ஒற்றளபெடை

இங்கு

உயிரளபெடை

குறித்து

சற்று

விளக்கமாக

அறிவோம்

செய்யுளில்

ஓசை

குறையும்போது

அவ்வோசை

குறைந்த

சொல்லுக்கு

முதலிலும்

இடையிலும்

இறுதியிலும்

நின்ற

நெட்டெழுத்து

ஏழும்

அவ்வோசையை

நிறைக்க

தத்தம்

ஒலிக்கும் கால அளவில்

மிகுந்து ஒலிப்பது

உயிரளபெடை

அவ்வாறு

அளபெடுத்தமையை

அறிதற்கு

அவற்றின் பின்

(நெட்டெழுத்துகளின் பின்)

(ஆ ஈ ஊ ஏ ஐ ஓ ஔ)

அததற்கு

இனமாகிய

குற்றெழுத்துகள்

(அ இ உ எ இ ஒ உ)

அடையாளமாய்

வரும்

அது

(உயிரளபெடை)

அளபெடுக்கும்

இடம் சார்ந்து

மூவகை

அவைகள்

முறையே

முதல்நிலை அளபெடை

இடைநிலை அளபெடை

கடைநிலை அளபெடை

விளங்கக்கூறின்

சொல்லின்

முதலில் நின்ற

நெட்டெழுத்து

அளபெடுப்பது

முதல்நிலை அளபெடை

(உ-ம்)

ஓஒதல் வேண்டும் ஒளிமாழ்கும் செய்வினை

ஆஅதும் என்னு மவர்

சொல்லின்

இடையில் நின்ற

நெட்டெழுத்து

அளபெடுப்பது

இடைநிலை அளபெடை

(உ-ம்)

உறாஅர்க் குறுநோய் உரைப்பாய் கடலைச்

செறாஅய் வாழிய நெஞ்சு

சொல்லின்

இறுதியில் நின்ற

நெட்டெழுத்து

அளபெடுப்பது

கடைநிலை அளபெடை

(உ-ம்)

அனிச்சப்பூக் கால்களையான் பெய்தாள் நுசுப்பிற்கு

நல்ல படாஅ பறை

அளபெடுக்கும்

தன்மை சார்ந்து

மூவகை

அவைகள்

முறையே

செய்யுளிசை அளபெடை

இன்னிசை அளபெடை

சொல்லிசை அளபெடை

விளங்கக்கூறின்

செய்யுளில்

ஓசை

குறையும்போது

அளபெடுத்து

ஓசையை

நிறைவு செய்வது

செய்யுளிசை அளபெடை

(இசைநிறை அளபெடை)

(உ-ம்)

ஓஒதல் வேண்டும் ஒளிமாழ்கும் செய்வினை

ஆஅதும் என்னு மவர்

உறாஅர்க் குறுநோய் உரைப்பாய் கடலைச்

செறாஅய் வாழிய நெஞ்சு

அனிச்சப்பூக் கால்களையான் பெய்தாள் நுசுப்பிற்கு

நல்ல படாஅ பறை

செய்யுளில்

ஓசை

குறையாதபோதும்

இனிய

ஓசையின்பொருட்டு

அளபெடுப்பது

இன்னிசை அளபெடை

(உ-ம்)

கெடுப்பதூஉம் கெட்டார்க்குச் சார்வாய்மற்று ஆங்கே

எடுப்பதூஉம் எல்லாம் மழை

ஒரு

பெயர்ச்சொல்லை

வினையெச்சமாக

மாற்றும்பொருட்டு

அளபெடுப்பது

சொல்லிசை அளபெடை

(உ-ம்)

உரனசைஇ உள்ளத் துணையாகச் சென்றார்

வரனசைஇ இன்னு முளேன்

நெட்டெழுத்து

ஏழும்

சொல்லுக்கு

முதல் இடை கடை

என்னும்

மூவிடத்திலும்

அளபெடுக்கும்

அதனைக்

கருத்தில் கொண்டால்

உயிரளபெடை

இருபத்தொன்று

இருப்பினும்

ஔகாரம் (ஔ)

சொல்லுக்கு

இடையிலும்

கடையிலும்

வராது என்பதால்

அவ்விரண்டும்

நீங்க

நின்ற

உயிரளபெடை

பத்தொன்பது (19)

அதனுடன்

இன்னிசை

நிறைக்க வரும்

அளபெடை

ஒன்று (1)

சொல்லிசை

நிறைக்க வரும்

அளபெடை

ஒன்று (1)

என

இரண்டும்

சேர்ந்து

உயிரளபெடை

இருபத்தொன்று (21)

நன்னூல்

சூத்திரம்-91

இசைகெடின் மொழிமுத லிடைகடை நிலைநெடில்

அளபெழு மவற்றவற் றினக்குறில் குறியே

இசைகெடின் மொழிமுத ல்இடைகடை நிலைநெடில்

அளபுஎழு ம்அவற்றுஅவற் றின்இனக்குறில் குறியே

(செய்யுளில்) ஓசை குறையும்போது (அவ்வோசை

குறைந்த சொல்லுக்கு) முதலிலும் இடையிலும்

இறுதியிலும் நின்ற நெட்டெழுத்து (ஏழும்

அவ்வோசையை நிறைக்க தத்தம்) ஒலிக்கும் 

கால அளவில் மிகுந்து ஒலிக்கும் (அது உயிரளபெடை)

(அவ்வாறு அளபெடுத்தமையை) அறிதற்கு

(அவற்றின் பின்) அததற்கு இனமாகிய

குற்றெழுத்துகள் அடையாளமாய் வரும்

நினைவு கூர்க:

நன்னூல்

சூத்திரம்-58

மொழிமுதற் காரண மாமணுத் திரளொலி

எழுத்தது முதல்சார் பெனவிரு வகைத்தே

மொழிமுதல் காரண ம்ஆம்அணுத் திரள்ஒலி

எழுத்துஅது முதல்சார் புஎனஇரு வகைத்தே

மொழிக்கு முதற்காரணமான அணுத்திரள்

ஒலியே எழுத்து; அது முதல் சார்பு என

இரு வகையாம்

நன்னூல்

சூத்திரம்-59

உயிரு முடம்புமா முப்பது முதலே

உயிரு ம்உடம்பும்ஆம் முப்பது முதலே

உயிர் எழுத்து (பன்னிரண்டும்)

மெய் எழுத்து (பதினெட்டும்) ஆகிய

முப்பது எழுத்து முதலெழுத்தாம்

நன்னூல்

சூத்திரம்-60

உயிர்மெய் யாய்த முயிரள பொற்றள

பஃகிய இஉ ஐஔ மஃகான்

தனிநிலை பத்துஞ் சார்பெழுத் தாகும்

உயிர்மெய் ஆய்த ம்உயிர்அள புஒற்றுஅள

புஅஃகிய இஉ ஐஔ மஃகான்

தனிநிலை பத்தும் சார்பெழுத் துஆகும்

உயிர்மெய், ஆய்தம் (தனிநிலை),

உயிரளபெடை (உயிரளபு),

ஒற்றளபெடை (ஒற்றளபு),

குற்றியலிகரம், (அஃகிய இ)

குற்றியலுகரம் (அஃகிய உ),

ஐகாரக்குறுக்கம் (அஃகிய ஐ),

ஔகாரக்குறுக்கம் (அஃகிய ஔ),

மகரக்குறுக்கம் (அஃகிய மஃகான்),

ஆய்தக்குறுக்கம் (அஃகிய தனிநிலை)

ஆகிய பத்தும் சார்பெழுத்து ஆகும்.

நன்னூல்

சூத்திரம்-61

உயிர்மெய் யிரட்டுநூற் றெட்டுய ராய்தம்

எட்டுயி ரளபெழு மூன்றொற் றளபெடை

ஆறே ழஃகு மிம்முப் பானேழ்

உகர மாறா றைகான் மூன்றே

ஔகா னொன்றே மஃகான் மூன்றே

ஆய்த மிரண்டொடு சார்பெழுத் துறுவிரி

ஒன்றொழி முந்நூற் றெழுபா னென்ப

உயிர்மெய் இரட்டுநூற் றுஎட்டுஉய ர்ஆய்தம்

எட்டுஉயி ர்அளபுஎழு மூன்றுஒற் றுஅளபெடை

ஆறுஏ ழ்அஃகு ம்இம்முப் பான்ஏழ்

உகர ம்ஆறுஆ றுஐகான் மூன்றே

ஔகா ன்ஒன்றே மஃகான் மூன்றே

ஆய்த ம்இரண்டொடு சார்பெழுத் துஉறுவிரி

ஒன்றுஒழி முந்நூற் றுஎழுபா ன்என்ப

உயிர்மெய் இருநூற்றுப்பதினாறு; குறுகாத

ஆய்தம் எட்டு; உயிரளபெடை இருபத்தொன்று;

ஒற்றளபெடை நாற்பத்திரண்டு; குற்றியலிகரம்

முப்பத்தேழு; குற்றியலுகரம் முப்பத்தாறு;

ஐகாரக்குறுக்கம் மூன்று; ஔகாரக்குறுக்கம்

ஒன்று; மகரக்குறுக்கம் மூன்று; ஆய்தக்குறுக்கம்

இரண்டோடு சார்பெழுத்தின் மிகுந்த விரி

ஒன்று குறைந்த முந்நூற்றெழுபது அதாவது

முந்நூற்று அறுபத்தொன்பது என்பர்.

-     கவிஞர் பொன். இராஜன் பாபு

-     Author P. Rajan Babu

தமிழ் இலக்கணம் – சார்பெழுத்து – உயிரளபெடை / உயிரளபு

Tamil Grammar – Secondary Letter –

Vowel Prolongation / Poetical Prolongation Of The Sound Of Vowels