81) மகரக்குறுக்கம்

மொழிக்கு

முதற்காரணமான

அணுத்திரள்

ஒலியே

எழுத்து

(Letter)

அது

முதல் எழுத்து

(Primary Letter)

சார்பு எழுத்து

(Secondary Letter)

என

இரு வகையாம்

உயிர் எழுத்து

(Vowel)

மெய் எழுத்து

(Consonant)

ஆகிய இரண்டும்

முதலெழுத்து

உயிர்மெய்

ஆய்தம்

உயிரளபெடை

ஒற்றளபெடை

குற்றியலிகரம்

குற்றியலுகரம்

ஐகாரக்குறுக்கம்

ஔகாரக்குறுக்கம்

மகரக்குறுக்கம்

ஆய்தக்குறுக்கம்

ஆகிய பத்தும்

சார்பெழுத்து

அச்சார்பு

எழுத்துகளில்

எழுத்தின்

ஒலிக்கும் கால அளவை

நீட்டித்து ஒலிப்பதால்

தோன்றும்

அளபெடைகள்

இரண்டு

1)   உயிரளபெடை

2)  ஒற்றளபெடை

எழுத்தின்

ஒலிக்கும் கால அளவைக்

குறைத்து ஒலிப்பதால்

தோன்றும்

குறுக்கங்கள்

ஆறு

1)   குற்றியலிகரம்

2)  குற்றியலுகரம்

3)   ஐகாரக்குறுக்கம்

4)  ஔகாரக்குறுக்கம்

5)  மகரக்குறுக்கம்

6)  ஆய்தக்குறுக்கம்

இங்கு

மகரக்குறுக்கம்

குறித்து

சற்று

விளக்கமாக

அறிவோம்

தனி மொழியில்

ளகர(ள்) லகரம்(ல்)

திரிந்த

ணகர(ண்) னகர(ன்)

மெய்களில் ஒன்றன்

முன்னும்

(உ-ம்)

மருளும் – மருண்ம்

போலும் – போன்ம்

தொடர் மொழியில்

வருமொழி

முதலில் நின்ற

வகர உயிர்மெய்யின்

பின்னும்

(உ-ம்)

தரும் வளவன்

வரும்

மகர மெய்யானது (ம்)

தன்னுடைய

ஒலிக்கும் கால அளவில்

குறைந்து (குறுகி)

ஒலிப்பது

மகரக்குறுக்கம்

(உ-ம்)

மருண்ம்

போன்ம்

தரும் வளவன்

குறிப்பு:

செய்யும் என்னும்

வாய்பாட்டு

முற்றுச் சொல்லின்

ஈற்றயலிலே

உகரம் கெட நின்ற

ளகர(ள்) லகரந்(ல்) திரிந்த

ணகர(ண்) னகரமே(ன்)

இங்கே குறிப்பிடும்

ணகர(ண்) னகரம்(ன்)

என்று அறிக.

அது

(மகரக்குறுக்கம்)

இட வகையால்

மூன்று

நன்னூல்

சூத்திரம்-96

ணனமுன்னும் வஃகான் மிசையுமக் குறுகும்

ணனமுன்னும் வஃகான் மிசையும்மக் குறுகும்

(ளகர லகரந் திரிந்த) ணகர னகர மெய்களில்

ஒன்றன் முன்னும்; (தொடர் மொழியில் வருமொழி

முதலில் நின்ற) வகர உயிர்மெய்யின் பின்னும்

வரும் மகர மெய்யானது தன்னுடைய ஒலிக்கும்

கால அளவில் குறைந்து (குறுகி) ஒலிக்கும்.

நினைவு கூர்க:

நன்னூல்

சூத்திரம்-58

மொழிமுதற் காரண மாமணுத் திரளொலி

எழுத்தது முதல்சார் பெனவிரு வகைத்தே

மொழிமுதல் காரண ம்ஆம்அணுத் திரள்ஒலி

எழுத்துஅது முதல்சார் புஎனஇரு வகைத்தே

மொழிக்கு முதற்காரணமான அணுத்திரள்

ஒலியே எழுத்து; அது முதல் சார்பு என

இரு வகையாம்

நன்னூல்

சூத்திரம்-59

உயிரு முடம்புமா முப்பது முதலே

உயிரு ம்உடம்பும்ஆம் முப்பது முதலே

உயிர் எழுத்து (பன்னிரண்டும்)

மெய் எழுத்து (பதினெட்டும்) ஆகிய

முப்பது எழுத்து முதலெழுத்தாம்

நன்னூல்

சூத்திரம்-60

உயிர்மெய் யாய்த முயிரள பொற்றள

பஃகிய இஉ ஐஔ மஃகான்

தனிநிலை பத்துஞ் சார்பெழுத் தாகும்

உயிர்மெய் ஆய்த ம்உயிர்அள புஒற்றுஅள

புஅஃகிய இஉ ஐஔ மஃகான்

தனிநிலை பத்தும் சார்பெழுத் துஆகும்

உயிர்மெய், ஆய்தம் (தனிநிலை),

உயிரளபெடை (உயிரளபு),

ஒற்றளபெடை (ஒற்றளபு),

குற்றியலிகரம், (அஃகிய இ)

குற்றியலுகரம் (அஃகிய உ),

ஐகாரக்குறுக்கம் (அஃகிய ஐ),

ஔகாரக்குறுக்கம் (அஃகிய ஔ),

மகரக்குறுக்கம் (அஃகிய மஃகான்),

ஆய்தக்குறுக்கம் (அஃகிய தனிநிலை)

ஆகிய பத்தும் சார்பெழுத்து ஆகும்.

நன்னூல்

சூத்திரம்-61

உயிர்மெய் யிரட்டுநூற் றெட்டுய ராய்தம்

எட்டுயி ரளபெழு மூன்றொற் றளபெடை

ஆறே ழஃகு மிம்முப் பானேழ்

உகர மாறா றைகான் மூன்றே

ஔகா னொன்றே மஃகான் மூன்றே

ஆய்த மிரண்டொடு சார்பெழுத் துறுவிரி

ஒன்றொழி முந்நூற் றெழுபா னென்ப

உயிர்மெய் இரட்டுநூற் றுஎட்டுஉய ர்ஆய்தம்

எட்டுஉயி ர்அளபுஎழு மூன்றுஒற் றுஅளபெடை

ஆறுஏ ழ்அஃகு ம்இம்முப் பான்ஏழ்

உகர ம்ஆறுஆ றுஐகான் மூன்றே

ஔகா ன்ஒன்றே மஃகான் மூன்றே

ஆய்த ம்இரண்டொடு சார்பெழுத் துஉறுவிரி

ஒன்றுஒழி முந்நூற் றுஎழுபா ன்என்ப

உயிர்மெய் இருநூற்றுப்பதினாறு; குறுகாத

ஆய்தம் எட்டு; உயிரளபெடை இருபத்தொன்று;

ஒற்றளபெடை நாற்பத்திரண்டு; குற்றியலிகரம்

முப்பத்தேழு; குற்றியலுகரம் முப்பத்தாறு;

ஐகாரக்குறுக்கம் மூன்று; ஔகாரக்குறுக்கம்

ஒன்று; மகரக்குறுக்கம் மூன்று; ஆய்தக்குறுக்கம்

இரண்டோடு சார்பெழுத்தின் மிகுந்த விரி

ஒன்று குறைந்த முந்நூற்றெழுபது அதாவது

முந்நூற்று அறுபத்தொன்பது என்பர்.

-     கவிஞர் பொன். இராஜன் பாபு

-     Author P. Rajan Babu

தமிழ் இலக்கணம் – சார்பெழுத்து – மகரக்குறுக்கம்

Tamil Grammar – Secondary Letter – Shortened m